السلام عليكم ورحمة الله ...........
والله يا اجماعة انا نفسي اعرف حل للسوال ده هو الكدب دلوقتي بقي موضه ؟ ولا هو مشي حالك فيها ايه يعني لو كدبت اهي كدبه تفوت ولا حد يموت واهي كدبه بيضه وهتعدي.
وهو في كدبه بيضه فعلا وكدبه سودة؟
ولا بطتلع عن طريقه من المشاكل؟
وهل هو فعلا بيجنبك المشاكل ديه ولا بيزودها؟
طب وفعلا الكدب مش ليه رجلين زي مابيقولو؟ ولا ممكن مش ينكشف اصلا؟
طب انت بتكدب حاول ترد من غير ماتكدب D:
طب ايه السبب اللي يخليك تكدب وبتكدب علي مين؟
ممتك ,باباك ,اخواتك ولا اصحابك ولا مين؟
طب لو احنا بنكدب علي كل دول طب ليه ايه السبب ؟ طب لو قلنا الصراحة ممكن نعمل مشاكل ولو كدبنا ممكن نتجنبها؟
طب عمرك فكرت تقول الصراحة مرة في حياتك في موقف خطير؟
لو اه ايه اللي حصلك من وراها ؟
ولو لا جه عليها وقت وانكشفت الكدبه اللي كدبتها .وايه السبب اللي خلاك تكدب. طيب هل كنت خابف اللي كدبت عليه يفهمك صح D: عشان كده مش قلتلو الحقيقة وفضلت تكدب . طب ليه تخاف من الحقيقة طالما هي حقيقة مش وحشه او انت مش بتعمل حاجة غلط؟
يعني يبقي الواحد راجع البيت متاخر مع شله من اصحابه بيهيسو و بيلعبو .لما يرجع باباه يسالو كنت فين؟ يقلو والله يابابا كنت عند محمد مقطعين رحنا مذكرة .اه بالمناسبه انا جبت ورق وكتب لزوم المذكرة يعني يابابا كلك نظر يعني يقوم ابوه بمنتهة الطيبه يقلو عايز كام يابني ومن جواه بيقول اشطه ضحكت عليه مصلحة انا اجيب بنصهم ورق والباقي بقي اعيش بيه . طب فيها ايه لما تقلو الصراحة مش هيكلك .
فيها ايه لما تقلو يابابا انا كنت سهران شوية مع اصحابي واتبسطنا مش هيزعل انك اتبسط يعني طالما انت مش بتعمل حاجة غلط . ولا ليه؟
طب هل االاهل ليهم علاقه بان احنا بتكدب عليهم بمعني ان مامتك ولا باباك عصبين شويه وعارف ان الحاجة ديه اللي عماتها هضيقهم او مش هتعجبهم مع انها مش لازم تكون حاجة غلط فبنطر نكدب؟
والمشكله ان لو حد كدب علينا ممكن نزعل ومع ذالك بنكدب علي الناس برضو اللي في داء مش بيبطلوD:
طب وهو شرط ان اللي بيكدب يكون عامل حاجة غلط وبيداريها بالكدب ولا بيكدب عادي ؟هوايه يعني .
طب في مرة حد كدب عليك في حاجة كبيرة؟ كان موقفك ايه زعلات ولا خدت الموضوع عادي .
طب حد كدب عليك في حاجة مش مستهله الكدب اصلا ؟ طب كان ايه موقفك؟
اكيد كلنا بنكدب واكيد كلنا نفسنا نبطل نكدب .
بس ايه الحل ازاي نبطل تعالو نفكر سوا بصوت عالي واللي عندو راي يقلنا عليه .
يمكن فعلا نقتنع بيه.
مستيه ردودكم
